Мэлылъфэгъум и 25-р — Адыгэ Республикэм и Къэралыгъо быракъ и Маф

Адыгэ Республикэм щыпсэухэу лъытэныгъэ зыфэтшIыхэрэр!

ТичIыпIэгъу лъапIэхэр!

Адыгэ Республикэм и Къэралыгъо быракъ и Мафэ фэшI тышъуфэгушIо!

Тиреспубликэ исхэм ыкIи тилъэпкъэгъухэу нэ­мыкI чIыпIэхэм ащыпсэухэрэм апэрэу мы ­мафэр хагъэунэфыкIы. Адыгеим, ащ итарихъ ыкIи икультурэ кIэн лъытэныгъэ ин зэрафэтшIырэм ишыхьатэу мы мафэр агъэнэфагъ.

Тиреспубликэ щыпсэу-
рэ цIыф лъэпкъ зэфэ­шъхьафхэм язэкъотныгъэ итамыгъэу щытых Адыге­им и Къэралыгъо Быракъ, игерб ыкIи игимн. Къыт­кIэ­хъухьэхэрэм лъэп­къым иблэкIыгъи инепэрэ щы­IакIи зэпхыгъэу зэрэщытхэр ащыгъупшэ хъущтэп.

Адыгэ Республикэм и Къэралыгъо быракъ и
Ма­фэ хэдгъэунэфыкIызэ, ти­чIыгу гупсэ шIулъэгъу­ныгъэу фытиIэр къэтэгъэ­лъагъо, Адыгеимрэ Урысыемрэ тарихъ гъогоу къа­кIугъэр зэу зэрэщытыр, демократием ишIуа­гъэхэм тызэрафэшъып­къэр, мамырныгъэм, шIум ыкIи зэфагъэм тызэрафэлажьэрэр къэтэIо.

ТичIыпIэгъу лъапIэхэр! ЗэкIэми тышъуфэлъаIо псауныгъэ пытэ, щыIэ­кIэшIу шъуиIэнэу, ­Адыгэ Республикэмрэ ти Хэ­гъэгушхоу Урысые Федерациемрэ яфедэ зыхэлъ Iофэу жъугъэцакIэрэм гъэхъагъэхэр щышъу­шIынхэу!

Адыгэ Республикэм
и ЛIышъхьэу
ТхьакIущынэ Аслъан

Адыгэ Республикэм
и Къэралыгъо
Совет - Хасэм
и Тхьаматэу
Владимир Нарожный