Ме исан ккелхунди Дагъустандис йине 1 миллион 600 агъзур ккел

Ме исан ккелкун Дагъустандиъ иджеф хьуна ая. Ягайин ягъас хьуна ая агъа 1 миллион 600 агъзур ккел. Ме э 70% ме иса хьуна кканди ая ккелхуникес. Са чIала агъайчин, средний гъуюна са верш хIуппас хуна ая са верш ккел. Цац, гьеме вахттуни хъуттурфучина, хьуна уйи 5% чIукь ккелар. Миштин идже ккелхун хьуная Дагъусттандиъ Унцукульский райондиъ, Ахтынский райондиъ, Шамильский на Левашинский районариъра. Нагагь хьин Дагъусттандин гьер мукьар агъай пичин, ппара иджи ккелхун хьуна ая Кочубей зонайиъ, ягIайин ягъас гисаъ хьуная 289 агъзур ккел. Хье республикайин сельский хозяйствайиъ хьес ягIа, ке ппара пулар, хIа показателярихьас ирцIанф хIуппар ухIубагьас. Садпе январдис 2014 исан Дагъустандийъ айуйи цIегьера, хIуппара алчихьуна 4 милионра 987 агъзур чарава. ХIуппар, цIегьер ухIуб хьес ягIа са-са районариъ, хIурариъ ае адава кар-лихуне дуламиш хьас инсанарин. ХIуппарикес ве гебирис яккра, хьейра, кьудакьра. Чиппин хье пул ве ге инсанарис гьеге задар тисаъ - мисаъ маса ирцIанди. АцIун инсанари ухIай хIуппар - малар чиппис шагьурариъ хулар-мукьара аркьа. ХIуькуматтира учин багухъас кумак аркьа хIуб-мал ухIа инсанарис. Алтушу исахъ хъуттурфучин хьин, Дагъусттандиди хьикуна уйи 341 миллион манат субсидибур агъа пулар. Iайи иджи давейчира,бицIиди хьунара кумак ве инсанарис ге манатарикес. Ме исара гьикасе субсидибур. 200 миллион манат йисе инсанарис хIуькуматти, 10 миллион гьегебирикес - Дагъусттандин бюджетиас э.