КIилди Дагъусттандиъ акьуне лап хIа субботникар

19 апрелди ме исан Дагъусттандин джалла шагьурариъ ра районариъ аркьая субботникар. Джалла джемеIэт сад хьуна шатти адине субботникарилди авалдин вахттари суман. Левашинский районди Хаджалмахи агъа хIуриъ джемеIэтихъай субботникдиди айчIуна уйи хье президентра Рамазан Гаджимурадович Абдулатипов. Ме хабар хьес пеф э Президентин ра Правительствойин пресс-службайи. Хье президенти узуне са-Iу кIурар Великий Отечественный дегIвиъ кIиная солдатарис акьуна ая памятникдихъ. Гьеме райондиъ Р. Абдулатипов гьучархьуне боницайиъ курар аркьая инсанарихъайра. Кумак акье час цIае боница акьас пуне ме инсанари президентис. Рази хьуне хье хIаф сасра иса джикIенас бюджетиъ пул цIае боница акьас ме хIуриъ са 25-30 мукь аяф. Хуппай Левашинский райондин хIатти Магомедгаджи Магомедова пуне, ме хIуриъ чин акьун кIиркIвая агьал детский садикра спортзал. Президенти учивас вере кумак акьасе пуне джемеIэтис кийина ая , кIилдивуна ая курар акьуна кIиркIвас акьас. Лап ппара хIа субботник хьуне хье райондиъра, гьер хIурариъ, гьер идарайин удигь, хулан удигь акьуне мерттвелар советский вахттари суман. Хье райондиъ субботник арайил акьуф э хье хIатти Исмаилов Юрий Гусейновича. Администрацин удигь завал хьуна ая инсанарин удигь чIал фай айчIуне Исмаилов Ю. Г. "чух сагъул чвас Агъул джемеIэт гьемишттин идже кардилди айчIубан. Мишттин ягъар гьертти учис гьер ягъ фацуна аркьай кканде, ме хьес иджвел э, мертти, батIарди амиатас хье район, хье хIурар. Джалла сильсеветIарис пуна аяфе зун, гьертти учин хIуриъ акье пуна субботникар. Ягъди гьемиштти сад хьуна завал вереттарикес хьурай хьин Агъулар. Хье райондиъ ахиран исари дархъая ацIун цIае садикар, ФАПАР, дом культурабур. Типигъ магьа чвас аргвая фидегьен батIар садик акьуна айчин, кIенаас кIилиди батIар акьуна ккегъдивуна ая Дом культуры, Махьттаб типпигъарин . ЦIе махьттаб аркьая Гехъюндиъ." Хабди чIал фай айчIуне Амаев Ф. Д., Мазанаев О.А., хъара саебура.